🚩 धर्मवीर छत्रपती संभाजी महाराज चरित्रगाथा भाग - १४६ ⚔️ ▶ “दरवाजा खोला!” हंबीररावांच्या थापेबरोबर दरवाजावर आदळलेल्या त्यांच्या मनगटीच्या चंदेरी कड्याचा 'खट' असा आवाज उठला. मग थापांमागून थापा दरवाजावर पडल्या. आत कसलीतरी कुजबुज चालली होती. दरवाजाबाहेर निसटते शब्द येत होते - “आमची आण आहे. जाऊ नका!” 🔊“सोडा सोडा आम्हाला!” 👉बऱ्याच वेळाने दरवाजा खोलला गेला. समोर रामराजे उभे होते! त्यांची चर्या रडवेली, तांबूस दिसत होती. जशी आजवर घातली होती तशीच त्यांनी साद घातली, “दादामहाराज!” झापा घेत संभाजीराजे त्यांच्याजवळ गेले. पाय शिवण्यासाठी वाकणाऱ्या रामराजांना “बाळराजे!” म्हणत आवेगानं त्यांनी जवळ घेतले. त्यांना थोपवून ते म्हणाले, “घाबरू नका. मान वर घ्या.” 👉डबडबल्या डोळ्यांनी आपल्या धिप्पाड दादामहाराजांकडे बघत दबल्या कोंडल्या रामराजांच्या तोंडून कुचमले बोल होलपटत बाहेर आले, “तुम्ही - तुम्ही आमच्या मासाहेबांना... मारणार?” 👉ते ऐकून अंगभर काटा सरकलेल्या संभाजीराजांनी पराकोटीच्या दु:खावेगाने रामराजांचे मस्तक एकदम पोटाशी घट्ट धरले. नको ते ऐकल्याने त्यांचा उभा देह ताठरला होता. रामराजांच्य...

⛳ आजचे ऐतिहासिक शिवकालीन शिवदिनविशेष ⛳ ▶️📜 २ मार्च इ.स.१६६० (चैत्र प्रतिपदा, शके १५८२, संवत्सर, शार्वरी, वार शुक्रवार) महाराज पन्हाळगडास आश्रयास!     अफजलखानाच्या (३२, दातांच्या राक्षसी बोकडाच्या वधानंतर) महाराजांनी अफजलखान मुलखात त्राही माजविली. आदिलशहाकडून महाराजांच्यावर पुन्हा एकदा सिद्धी जौहर हा कसलेला पठाण, आक्रमणासाठी निघाला. मात्र, त्याचा धोकाओळखून महाराजांनी सिद्धी जौहर जास्त पुढे सरकता कामा नये म्हणून पन्हाळगडावर महाराज आश्रयास आले. जेणेकरून, जौहरचे आगमण थेट स्वराज्यात न येता कोल्हापुरच्या पन्हाळगडापर्यंत सीमित राहिल. 🏇🚩🏇🚩🏇🚩🏇🚩🏇 ▶️📜 २ मार्च इ.स.१६८७ औरंगजेबपुत्र शहाआलम याने गोवळकोंड्याचा बादशाहा यास अभय देण्याचे वचन दिले होते परंतु औरंगजेबाचा मनसुबा गोवळकोंडा हस्तगत करण्याचा होता पण शहाआलम दिलेल्या वाचनाला जागला होता. तेव्हा औरंगजेबाने युक्तीने शहाआलम व त्याचा पुत्र अज्जीजुद्दिन यास आपल्या भेटीस बोलावले व त्यांना कैद केले तो आजचा दिवस. 🏇🚩🏇🚩🏇🚩🏇🚩🏇 ▶️📜 २ मार्च इ.स.१७०० छत्रपती राजाराम महाराजांचा मृत्यू... महाराणी ताराबाईंनी  राज्य कारभार हात...