🚩 धर्मवीर छत्रपती संभाजी महाराज चरित्रगाथा भाग - २१६ ⚔️ ▶️आता डोळे सताड उघडे केलेल्या क्षत्रियकुलावतंस शिवपुत्र संभाजीराजे यांच्या नजरेत अपार, अशरण तेज उतरले होते. देहात नसल्यासारखेच दिसत होते ते! मांडाखालच्या उंच जनावरापेक्षा, डोक्यावरच्या उेच लाकडी टोपीपे क्षा, एवढेच काय; रायगडाच्या उंच आघाडी मनोऱ्यापेक्षा नजर ठरणार नाही, अशा उंचवट्यावर जाऊन बसल्यागत दिसत होते त्यांचे डोळे. एवढ्या जोश कल्लोळातही कुलेशांच्याकडे बघत त्यांना विचारलेही, नेहमीच्याच राजबोलीत - “कचरलात छंदोगामात्य?” 👉झटकन आपली गर्दन राजांच्याकडे करून ती किंचित लवती करत कुलेश उत्तरले, “जी नहीं, नहीं होती ये आंखें, तो ऐसा नहीं देखना पडता स्वामीको!” 👉मध्येच मागे वळून इखलास खेकसला, “क्या बकते हो आपसमें? नाम लो खुदाका.” 👉एरवी जो फासला काही पळात काटला गेला असता, तोच सगळ्या तळाचे डोळे निववीत चांगला दोन-तीन घंटे काटला जात होता. हिंदोस्थानच्या शहेनशहा आलमगिरांचीच शाही मुराद होती ती. तसा हुकूमही होता. 👉धिंड बहादूरगडाच्या आघाडी दरवाजात आली. दरवाजातच बहादूरखान, रणमस्तखान, शाब्दिखान, हसनअलीखान, गझनफरखान असे मुलूखभर तळ टाकून...

⛳ आजचे ऐतिहासिक शिवकालीन शिवदिनविशेष ⛳ 📜 २५ मे इ.स.१६४२ महाराजांनी रोहिडेश्वराला एक गाव इनाम व जुना पुजारी बदलून सिवा जंगम नावाचा दुसरा पुजारी ठेवला. बंगळूरहून येताच महाराजांच्या नावे पहिली हालचाल किल्ले रोहिड्याच्या भागात झालेली दिसते. एका पत्रानुसार रोहिडेश्वराला एक गाव महाराजांनी इनाम दिल्याचे व जुना पुजारी बदलून सिवा जंगम नावाचा दुसरा पुजारी ठेवल्याचे कळते. याच कारणामुळे रोहीडेखोऱ्याच्या दादाजी नरसप्रभु देशपांडे यांना आदिलशहाने जाब देण्यासाठी त्वरीत बोलाविलेले दिसते. दादाजी यांनी बहुधा जाण्याचे टाळले असावे. 🏇🚩🏇🚩🏇🚩🏇🚩🏇 📜 २५ मे इ.स.१६५८ औरंगजेब आणि त्याचा भाऊ दारा शिकोह याचे वारसहक्कासाठी समूगढ येथे लढाई झाला ज्यामध्ये दाराचा पराभव झाला पण दाराने तेथून पळ काढला. आणि पुढे काही दिवसांच्या पाठलागानंतर अखेर दारा औरंगजेबाच्या हाती सापडला. ३० आॅगस्ट १६५९ ला त्याची हत्या करण्यात आली. 🏇🚩🏇🚩🏇🚩🏇🚩🏇 📜 २५ मे इ.स.१६६२ (ज्येष्ठ वद्य द्वितीया, शके १५८४, संवत्सर शुभकृत, वार रविवार) पुणे येथे सुप्या जवळ सरनौबत नेतोजी पालकर यांची नामदारखान, सर्फराजखान यांच्याशी चकमक! ...