The Great Maratha Warriors

🙏 सर्वाना भाऊबीजेच्या आणि दिपावली पाडव्याच्या शिवमय शुभेच्छा.....!! 🚩

शिवरायांना सख्खी बहिण नव्हती

पण स्वराज्यातील प्रत्येक परस्ञी शिवाजी राजाला आपला भाऊ मानत होती .आणि तुम्हाला सांगायची गरज नाही .

एकवेळ स्ञीया मुलाच ऐकत नाहीत ...नवर्याच ऐकत नाहीत ....पण भावाच मात्र ऐकतात... शत्रूच्या बाईसाठी.. शिवाजी राजाच्या मुखातून शब्द बाहेर पडले.

ताई.............

ताई ... कोण म्हटले मी तुम्हाला मारणार ... या बाळाला मारणार ... मी तुम्हाला ताई म्हटले म्हणजे हे बाळ माझा भाचा झाला. आज पहिल्यांदा मी माझ्या भाच्याला भेटतोय... काही तरी दिले पाहिजे ना...ताई या बाळाच्या दुधभातासाठी मी ही जिंकलेली गढी त्याला देतोय... आणि आजूबाजूचा प्रदेश तुला चोळी बांगडी साठी..अस म्हणून राजांनी ते बाळ आईच्या हातात दिले. सन्मानाने तीला गादीवर बसवले . तीचा सन्मान केला. काय होतय हे तीला कळत नव्हते .

पण मगाशी दुःखाने येणारे आश्रू आता आनंदाने वहायला लागले. राजा.. मी तुला शञू समजले..मी वैरी समजले..

पण तुच भावा बहिणीच नात निर्माण करून या अबलेचा सन्मान केला...

धन्य शिवाजी राजा..

धन्य त्याचे माता पिता................................ 

काय नात आहे हे भाऊ बहिणीचे...

आणि काय नात आहे शिवाजी राजाच.

माझा शिवाजी भाऊ बहिणीच प्रेम शिकवून गेला .

किती बर होईल हे शिवाजी आपल्याला कळले तर...

वादाच्या पलिकडले शिवाजी ...

बहिणीचा भाऊ शिवाजी ...

माझ्या भावांनो प्रत्येक शिवभक्ताला हे शिवाजी कळले तर ... कोणत्याही स्ञीवर अत्याचार होणार नाही .

निर्भया सारखी प्रकरणे होणार नाहीत .कारण प्रत्येक मुलीच्या रक्षणासाठी तीचा शिवभक्त भाऊ उभा असेल .

मध्यरात्री कामावरून सुटणारी तरूणी बिनधास्त असेल

कारण तिला विश्वास असेल

हा शिवबाचा महाराष्ट्र आहे.

शिवभक्तांचा महाराष्ट्र आहे.

माझ्या भावांचा महाराष्ट्र आहे....

▶एक इतिहासिक प्रसंग :

भावाने बहिणीचे संरक्षण करावे हा  रक्षाबंधनाचा सामान्यपणे अभिप्रेत असलेला अर्थ !परंतु इतिहासात आणि तेही मराठ्यांच्या अशी एक असामान्य बहीण होऊन गेली जी भावाच्या सुटकेसाठी स्वतःच्या जीवाची पर्वा न करता शत्रूच्या गोटात गेली , आणि भावाची सुटका केली !ती 'असामान्य ' बहीण दुसरी तिसरी कोणी नसून त्या होत्या "राणू आक्का" शंभूराज्यांच्या भगिनी !

शंभूराजे दिलेरखानाच्या छावनित दाखल झाले होते. तेथे त्त्यांच्या जीवाला धोका होता. हे ओळखून राणू आक्का जातीनिशी दिलेरखानाच्या छावणीत शिरल्या आणि शंभूराज्यांना सुखरूप स्वराज्यात परत आणले !

    धन्य त्या "राणू आक्का "

    त्यांना मानाचा मुजरा !

                                👇

एक छोटीशी कविता.... 

               ।।बहिण।।

 

        ।। मायेचं साजुक तुप

            आईचं दुसरं रूप।।

       ।।  काळजी रूपी धाक

           प्रेमळ तिची हाक।।

        ।। कधी बचावाची ढाल

      कधी मायेची उबदार शाल।।

      ।। ममतेचं रान ओलांचिंब

   पाण्यातील आपलंच प्रतिबिंब।।

     ।। दुःखाच्या डोहावरील 

           आधाराचा सेतू।।

        ।। निरपेक्ष प्रेमामागे 

           ना कुठला हेतू।।

        ।।कधी मन धरणारी ,

     तर कधी कान धरणारी.।।

    ।।कधी हक्काने रागवणारी,

 तर कधी लाडाने जवळ घेणारी.।।

        ।।बहिणीचा रुसवा जणु,

          खेळ उन-सावलीचा.।।

       ।।भरलेले डोळे पुसाया

      आधार माय- माऊलीचा.।।

    ।।कुठल्याच नात्यात नसेल एवढी 

          या नात्यात ओढ आहे.।। 

       ।।म्हणूनच बहिणीचं हे नातं 

             चिरंतन गोड आहे.।।

    ।।भरलेलं आभाळ रितं कराया

         तिचीच ओंजळ पुढे येई .।।

      ।।जागा जननीची भरुन  

    काढण्या निर्मीली आईनंतर ताई.।।

       ।।निर्मिली देवाने आई नंतर बहिण.।।

।। ज्यांना नाही बहिण, त्यांनी मानावी एक चांगली बहिण........... ।।

▶ भाऊबीज , यमद्वितीया संपूर्ण माहिती 

या दिवशी यमराजाची बहीण यमुना हिने आपल्या भावाला म्हणजेच यमराजाला

अगत्यपूर्वक जेवायला बोलावले होते. यम आपली बहीण यमुना हिच्या घरी

जेवायला गेलाअशी पौराणिक कथा आहे. म्हणून भाऊबीज हा सण साजरा केला जातो 

हा दिवस म्हणजे शरद ऋतूतील कार्तिक मासातील द्वितीया. द्वितीयेचा चंद्र

आकर्षक व वर्धमानता दाखवणारा आहे. तेव्हा `बीजेच्या कोरीप्रमाणे

बंधुप्रेमाचे वर्धन होत राहो', ही त्यामागची भूमिका आहे.' आपल्या मनातील

द्वेष व असूया निघाल्यामुळे सर्वत्र बंधुभावनेची कल्पना जागृत होते;

म्हणून त्याकरिता हा भाऊबीजेच्या सण आहे. बंधु-भगिनींचा प्रेमसंवर्धनाचा

हा दिवस आहे. 

या दिवशी बहिणीच्या घरी भाऊ गोडधोड भोजन करतो आणि सायंकाळी चंद्राची कोर

दिसल्यानंतर बहीण प्रथम चंद्रकोरीस व नंतर भावाला ओवाळते. भाऊ मग

ओवाळणीच्या ताटात 'ओवाळणी' देऊन बहिणीचा सत्कार करतो. 

जर काही कारणाने बहिणीला कोणी भाऊ भेटलाच नाही तर ती चंद्राला भाऊ समजून

ऒवाळते. भावा-बहिणीने एकमेकांची आठवण ठेवावी, विचारपूस करावी, एकमेकांवर

प्रेम करावे यासाठी हा सण साजरा करतात. 

👉 १सुंदर कविता भाऊबीजे वरिल

|| श्री !! 

रक्षावे भगिनीस 

असे बांधवाने 

जसे रक्षीले द्रौपदीस 

श्रीकृष्ण माधवाने ||

जपावे या बंधनास 

निरामय भावनेने

जसे जपले हळूवार

मुक्ताई ज्ञानेश्वराने ||

द्या पूर्णत्व नात्यास

आज बंधनाने

जसे दिले पूर्णत्व

दीपावलीस द्वितीयेने ||

ओवाळणी दिली आज

काव्यरूपी विनम्रतेने

जशी दिली तिमीरात

पणतीस प्रकाशाने ||

|| भाऊबीजेच्या हार्दिक शुभेच्छा ||

दीपावलीच्या शुभक्षणांनी आपली सारी स्वप्न साकार व्हावी

ही दिवाळी आपल्यासाठी एक अनमोल आठवण ठरावी…

आणि त्या आठवणीने आपलं आयुष्य अधिकाधिक सुंदर व्हावं…

दिवाळीच्या लक्ष लक्ष शुभेच्छा!

माहिती संकलन  : रमेश साहेबराव जाधव.